Ibigwi by'inyama n'igishyimbo

Inyama iti:
Have Nyirambohera urimba uri imboga!

Igishyimbo kiti:
Ni wowe mboga mbi
Wowe mburane
Wowe mboneka rimwe!
Jye iyo ntaraboneka
Nkinga ingabo y'ikibabi
Bakandya umushogoro!
Naba kandi nabonetse
Nkagurirwa intebo
Nkavomerwa na nyiri intege.
Ikibariro cy'igicuku
Kigasobanura amabano
Mu marembo y'amabuno!

Inyama iti:
Nanjye ndi Rwanamiza mu nkono
Rwa Mbungira nyikebe!
Inyamibwa y'inyama zombi
Ya Rukurungira inogo
Kurya nogeye ku mbehe
Sindatirwa inganga
Rwema ndi Ingorabasyi!