Ubucuruzi bwa Nshokeyinka ( I )

Ingurumbanya byahamye
Ya Rwihatamurimo,
Ndi isibo y' abacuruzi,
Simbangamira abategetsi !
Banteje inka zabuze umusoro,

Bampamagaye mu iteraniro,
Mu kwikora njyana umufuka !
Nywubanye umuhanga mu isoko;
Nibandangaza aho riremye,
Nywuhunitsemo ukomeye

Nywukundira kutayata !
Wumvise uko nunguka,
Uhinduka umugusiro !
Ni uwamenyereye kutangizwa,
Utoza imari kugwira !

Abumvise inka naguze,
Bati "Rugomwa yabaye umugaga,
Nta mugobe ukimurenga ataguze !"