UBWIRU-INZIRA Y'UMUHIIGO

Iy Umwam ashaaká guhíiga
Baraguriz umuhíigo
Bakaraguriza mu Bami b Úmushumí
Arí Mibámbw arí Kigeri

5 Uw ábaragúza b áabíiru beeréje
Bakaraguriz umurw azáagabirahó
Bakawuubaka h úrugó rw íicyúzurirahó
Baamará kurwúzuza
Umw?m akawuuzahw ákayobora
10 Yamará kuyobora
Agaheerezw inyundo n úbushingo
Indamúts ikaramutsa
Iz íngabé zigataaha
Agahéerezwa ntateere hw íbihubí
15 Ingoma zikajya kwaa Cyírima

Bwacyá mu gitóndo
Akayishyir imbere y íizíiko
Agasets ati seka Kaanaka
Ngiiy íngoma Rugiramusango
20 N iki n íigikóndo gifatír inyamáaswa

Rugiramusangw ikajya ku Kaarubanda
Umunyákabágar akayih umurishyo
Ati tugambiriy umuhíigo
Ejó bind umuhíig uzaahaguruka

25 Búkeey ikajya ku Kaarubanda
Igasóhoza
Ati tugambiriy umuhíigo
Rubánda n áah ejo

Bwacyá mu gitóndo
Umwam akenda Nsinzumusazi n ámaníni
30 Agasetsa
Agaháguruka

Bakuubak iráaro kw iishyamba
Akajya mu rugw ákaráara
Yabambúrwa bagacáanira
Bagacaaniz imikénya
35 Bagaháguruka bakajya mw iigabiro
Bakavun umukénya
Ati nkeny ingoré
Nkeny ingabo

Igikóndo kikagum aho
40 Mw iiráaro ku gicáaniro
Umwam ntaras ámaníni
Nt?teere na ryáa cúmu
Agakoreesh íbindi
Baba bánga kó biherá mw iishyamba
45 Cyángá kw ínyamáaswa yaabicikana

Umwami yamará kugwiza
baba bátiish inzovu
cyángw íngwe, intáre
bagatumiz ihembe ry ínzovu
50 Ryó mu banyábyuma
N úruhú rw iyo nyamáaswa yíndi
N úmut?mbi w úrukwávu
Bikab arí byó
Biiz úmuhíigw imbere

55 Baagerá ku Kaarubanda
Rubanda binombye
Bámbay imihanda
Umw?m akajya mu rugó
Umuhíig ugahagarara ku Kaarubanda

60 Yagerá mu rugó
Agaheerezw Inyundo n Ubushingo
Indamúts ikaramutsa
Ubw ingabé zívuuye kwaa Cyírima
Zíkurikiwe n úmugeni

65 Ingoma zikajya ku gitabo
Umugen akuururukira kuu náama
Bakaaza bávuz ibihubí

Igataaha Karíga n ízindi
Zigakubitw ibihub úkó bisanzwé
70 Zikajya mu ruhimbi zikajíishwa
Umugen akazíkurikir akínjira

Umwam agaháguruka
Akajya gucyúr umuhíigo
Umwam akaakiir umuhíigo
75 Na ryáa cúmu na wáa mwambi
Abahigi bakíirahiira
Abavunangoma bagateer urukómo
Intárindwá zigahaabw imfíizi
N íngumba zikabáagwa
80 Bakaraar inkéera y úmuhíigo

Bwacyá mu gitóndo
Umwam akaakiir umuhíigo
Akagabur imiranzi y íkiramuro
Ayíh abáana

85 Byarangír ingabé zigasubira muu ngobyi
Zikajya kwaa Cyírima
Bakabiikiir iyó muu Ndwanyi
Bwacyá bagasiig umukámo